ചെമ്മനാട്
ജമാഅത്ത് ഹയർ സെക്കണ്ടറി സ്കൂളിലെ എസ്.പി.സി യും എൻ.സി.സിയും സംയുക്തമായി
500 ഗ്രോബാഗുകളിലായി സ്കൂൾ ടെറസിൽ ചെയ്തു വന്നിരുന്ന പച്ചക്കറികൃഷിയുടെ
വിളവെടുപ്പ് ഇന്ന് എസ് .പി.സി യുടെ നോഡല്‍ ഓഫീസര്‍ ഡി.വൈ.എസ്.പി അസൈനാര്‍
നിര്‍വഹിച്ചു,ഇന്ത്യൻ മെഡിക്കൽ കൗൺസിലിന്റെ അഭിപ്രായത്തിൽ നല്ല
ആരോഗ്യത്തിന് ഒരാൾ 300 ഗ്രാം പച്ചക്കറി വർഗങ്ങളെങ്കിലും ഒരു ദിവസം
ഭക്ഷണത്തിന്റെ ഭാഗമാക്കണം എന്നാണ്, പ്രത്യേകിച്ച് നമ്മുടെ നാട്ടിൽ ഇത് വളരെ
കുറവാണെന്ന് നമുക്കെല്ലാം അറിയാം, ആരോഗ്യ പ്രശ്നങ്ങളുണ്ടാക്കുന്ന രാസ
പച്ചക്കറി, ഇന്നത്തെ വിപണി കൂടുതൽ കയ്യടക്കുമ്പോൾ അതിനോട് വിമുഖത
കാട്ടിയതാവാം ഒരു കാരണം,
വിഷ മുക്ത ജൈവ പച്ചക്കറി കൃഷിയുടെ പ്രാധാന്യത്തെപ്പറ്റി സ്കൂൾ കുട്ടികളിൽ അവബോധം സൃഷ്ടിക്കാനും അവരുടെ വീടുകളിൽ കൃഷി ചെയ്യാൻ പ്രേരണ നൽകുന്നതിനുമാണ് ഈ മട്ടുപ്പാവ് പച്ചക്കറി കൃഷിക്ക് തുടക്കമിട്ടത്.
വിഷ മുക്ത ജൈവ പച്ചക്കറി കൃഷിയുടെ പ്രാധാന്യത്തെപ്പറ്റി സ്കൂൾ കുട്ടികളിൽ അവബോധം സൃഷ്ടിക്കാനും അവരുടെ വീടുകളിൽ കൃഷി ചെയ്യാൻ പ്രേരണ നൽകുന്നതിനുമാണ് ഈ മട്ടുപ്പാവ് പച്ചക്കറി കൃഷിക്ക് തുടക്കമിട്ടത്.
പൂർണമായും ജൈവ വളമാണ് കൃഷിക്ക് ഉപയോഗിച്ച് വരുന്നത് , കോളി
ഫ്ലവർ,
വെണ്ട,വഴുതിന, തക്കാളി, കാബേജ്, പച്ചമുളക് തുടങ്ങിയവയാണ് ഇപ്പോൾ
വിളവെടുപ്പിന് പാകമായി നിൽക്കുന്നത്.
200 ഓളം കുട്ടികളെ വിവിധ ഗ്രൂപ്പുകളായി തരംതിരിച്ച് ദിവസം മൂന്ന് നേരം
ജലസേചനം നടത്തുന്നു. മണ്ണിര കമ്പോസ്റ്റ്,ചാണകപ്പൊടി, വെർമികമ്പോസ്റ്റ്, ചകിരിച്ചോറ് വേപ്പെണ്ണ
തുടങ്ങിയ ജൈവ വളങ്ങളും കീടനാശിനിയുമാണ് ഉപയോഗിച്ച് വരുന്നത്, സ്കൂൾ
പ്രധാനാദ്ധ്യാപകൻ ശ്രീ .കെ .ഒ രാജീവന്റെ നിർദ്ദേശാനുസരണം, എസ്.പി.സി
ഓഫീസർമാരായ മുഹമ്മദ് യാസിർ സി.എൽ, സാവിത്രി.വി, എൻ.സി.സി അസോസിയേറ്റ് ഓഫീസർ
പി.ശ്രീജിത്ത്, സ്റ്റാഫ് അംഗം മുനീർ സി.എം തുടങ്ങിയവർ നേതൃത്വം
നൽകിവരുന്നു . മാനേജ്മെന്റിന്റെയും പി.ടി.എ യുടെയും സഹായ സഹകരണത്തോടെ
ആരംഭിച്ച ഈ സംരംഭത്തിന് ജമാഅത്ത് സെക്രട്ടറി സാജു സി.എച്ച്, കൺവീനർ
അബ്ദുല്ല പി.എം, പി.ടി.എ പ്രസിഡൻറ് മുനിർ എ.ബി ,മൻസൂർ കുരിക്കൾ, ഇഖ്ബാൽ
സി.എൽ ,അൻവർ ശംനാട്, തുടങ്ങിയവർ സർവ്വവിധ പിന്തുണയും നൽകി വരുന്നു.
